Cinema: మాస్ మహారాజా రవితేజ అభిమానులకు మళ్ళీ పండుగే రాబోతోంది. తెలుగు సినిమా ఇండస్ట్రీలో ఓ స్పెషల్ ఎనర్జీ, ఎన్టర్టైన్మెంట్ బ్రాండ్‌గా నిలిచిన రవితేజ ఇప్పుడు మరోసారి తన క్రేజ్‌ను థియేటర్లలో చూపించేందుకు సిద్ధమయ్యాడు. ఇటీవల టాలీవుడ్‌లో రీ-రిలీజ్‌ల ట్రెండ్ జోరుగా నడుస్తోంది. పాత బ్లాక్‌బస్టర్ సినిమాలు మళ్లీ థియేటర్లలో సందడి చేస్తూ, కొత్తగా పెరిగిన యూత్ ఆడియెన్స్‌ను ఆకట్టుకుంటున్నాయి. ఇదే బాటలో రవితేజ కెరీర్‌లో మైలురాయిగా నిలిచిన ‘మిరపకాయ్‘ మూవీ మళ్లీ బిగ్ స్క్రీన్‌పై ప్రేక్షకులను అలరించేందుకు వస్తోంది.
‘మిరపకాయ్.. ట్రాక్‌లోకి కెరీర్!
2011లో విడుదలైన ‘మిరపకాయ్’ సినిమా రవితేజ కెరీర్‌ను మళ్ళీ ట్రాక్‌లోకి తెచ్చిన సినిమాగా గుర్తింపు పొందింది. అప్పట్లో వరుస ఫ్లాపులతో నిరాశలో ఉన్న రవితేజకు ఈ సినిమా మాస్ మార్కెట్‌లో తిరిగి స్పీడ్‌ ఇచ్చింది. హరీష్ శంకర్ దర్శకత్వం వహించిన ఈ మాస్ మసాలా మూవీ, యాక్షన్, కామెడీ, ఎమోషన్, రొమాన్స్ అన్నీ సమపాళ్లలో మిక్స్ చేసిన ఫుల్ ప్యాకేజ్.
రవితేజ ఎనర్జీ, సిగ్నేచర్ పంచ్ డైలాగ్స్, కామెడీ టైమింగ్, స్టైలిష్ యాక్షన్ సీక్వెన్సులు, థమన్ మ్యూజిక్ – ఇవన్నీ కలవడంతో ‘మిరపకాయ్’ ఒక పెద్ద మాస్ హిట్‌గా నిలిచింది. ముఖ్యంగా రవితేజ మరియు హరీష్ శంకర్ కాంబినేషన్ అప్పటి యూత్‌ను ఊపేసింది.
జులై 11న గ్రాండ్ రీ-రిలీజ్
‘మిరపకాయ్’ రీ-రిలీజ్ తేదీ కూడా అధికారికంగా ఖరారైంది. ఈ మాస్ ఫీస్ట్ 2025, జులై 11న థియేటర్లలో మళ్లీ విడుదల కాబోతోంది. ఇప్పటికే ఈ అనౌన్స్‌మెంట్‌తో రవితేజ అభిమానుల్లో భారీగా ఉత్సాహం కనిపిస్తోంది. మళ్లీ థియేటర్లలో సీట్లు పగలగొట్టేలా రచ్చ చేయడానికి రెడీ అవుతున్నారు ఫ్యాన్స్.
ఈ సినిమాను మొదటిసారి చూసిన ప్రేక్షకులే కాదు, అప్పట్లో మిస్సయిన కొత్త తరం ప్రేక్షకులూ ఈ సినిమాను థియేటర్‌లో ఎంజాయ్ చేయడానికి ఆసక్తిగా ఎదురుచూస్తున్నారు.
ఫ్యాన్స్ కు మళ్ళీ ఫుల్ మీల్స్
‘మిరపకాయ్’ సినిమాలో రవితేజ సరసన రిచా గంగోపాధ్యాయ్, దీక్షా సేత్ హీరోయిన్స్‌గా మెరిశారు. అప్పట్లో ఈ ఇద్దరు ముద్దుగుమ్మలు యూత్‌లో మంచి క్రేజ్ తెచ్చుకున్నారు. ఇక థమన్ సంగీతం ఈ సినిమాకు హైపర్ ఎనర్జీని అందించింది. ‘దిన్న దిన్న దిన్న’ పాటలతో ఆడియెన్స్‌ను డాన్స్ ఫ్లోర్‌లోకి లాక్కొచ్చాడు.
అప్పటి రవితేజ ఎనర్జీ, ఫన్నీ టైమింగ్, గట్టిగానే ఉండే డైలాగ్స్ ఈ సినిమాకు ప్రత్యేక ఆకర్షణ. ఇప్పుడు రీ-రిలీజ్‌లో ఈ సీన్‌లు మళ్లీ గూస్‌బంప్స్ ఇచ్చేలా తయారవుతున్నాయి.
రవితేజకు మళ్లీ ఊపిరి పోసే సినిమా?
ఇటీవల ‘నా ఆటోగ్రాఫ్ స్వీట్ మెమోరీస్’ రీ-రిలీజ్‌తో moderate response వచ్చిన రవితేజ, ‘మిరపకాయ్’ రీ-రిలీజ్‌పై పెద్ద ఆశలు పెట్టుకున్నాడు. ప్రస్తుతం రవితేజ కెరీర్ లో కొన్ని సినిమాలు డిజాస్టర్ అయ్యాయి. ఈ నేపథ్యంలో ‘మిరపకాయ్’ రీ-రిలీజ్ తో మళ్ళీ తన మాస్ ఫాలోయింగ్ ని బలపర్చుకోవాలని ఆశిస్తోంది.
అప్పట్లో ‘మిరపకాయ్’ ఎలా రవితేజను ఫ్లాప్ ట్రాక్ నుండి హిట్ ట్రాక్‌కి తీసుకొచ్చిందో, ఇప్పుడు కూడా ఈ సినిమా మళ్లీ ఆయనకు బాక్సాఫీస్ వద్ద క్రేజ్ తీసుకురావచ్చు అనే అంచనాలు ఉన్నాయి.
క‌లెక్ష‌న్ల సునామీ సాధ్య‌మేనా..?
తెలుగు రాష్ట్రాల్లో ఇప్పటికే రీ-రిలీజ్‌లకు భారీ స్పందన వస్తోంది. పవన్ కల్యాణ్ ‘ఖుషి’, మహేష్ బాబు ‘ఒక్కడు’, అల్లు అర్జున్ ‘అర్య’ వంటి సినిమాలు రీ-రిలీజ్‌లలో మళ్లీ బాక్సాఫీస్ వద్ద హవా చూపించాయి. ఇప్పుడు అదే బాటలో రవితేజ ‘మిరపకాయ్’ కూడా బాక్సాఫీస్‌ను బద్దలు కొట్టేలా ఉందా? అనేది ఆసక్తికరంగా మారింది.
ఫ్యాన్స్‌లో ఇప్పటికే హైప్ మొదలైంది. థియేటర్స్‌లో మళ్లీ ఆ ఎనర్జీ, ఆ సీటీలు, ఆ డ్యాన్సులు చూడాలని రెడీ అవుతున్నారు. ఇక ‘మిరపకాయ్’ మళ్లీ ఏ స్థాయిలో హంగామా చేస్తుందో చూద్దాం.
