AP Housing: ఆంధ్రప్రదేశ్ ప్రభుత్వం పేద ప్రజలకు నివాస భ‌ద్ర‌త క‌ల్పించేందుకు కీలక నిర్ణయం తీసుకుంది. జీవో నం. 23 ప్రకారం, రాష్ట్రవ్యాప్తంగా అర్హులైన పేదలకు ఉచితంగా ఇంటి స్థలాలు కేటాయించనున్నారు. ఈ పథకం ద్వారా వేలాదిమందికి సొంతింటి కల నెరవేరనుంది. ఈ కేటాయింపుకు సంబంధించి ముఖ్యమైన మార్గదర్శకాలు, అర్హతలు, నిబంధనలు ఇవే:
అర్హతల వివరాలు:
- తెల్ల రేషన్ కార్డు కలిగి ఉండాలి.
- ఆంధ్రప్రదేశ్ రాష్ట్రానికి చెందినవారై ఉండాలి.
- ఇప్పటికే సొంతింటి స్థలం ఉండి ఉండ‌కూడ‌దు.
- ప్రభుత్వ ఉద్యోగులు లేదా పెన్షనర్లు అర్హులు కారు.
- ఇప్పటికే ఇంటి స్థలం కలిగినవారు (గ్రామీణ ప్రాంతాల్లో 5 సెంట్లు, పట్టణాల్లో 2.5 సెంట్లకు మించి) అర్హులు కారు.
- చెల్లుబాటు అయ్యే ఆధార్, రేషన్ కార్డు తప్పనిసరి.
- మున్సిపాలిటీల్లో భూమి లభ్యత ఆధారంగా స్థలం కేటాయించబడుతుంది.
- స్థలాన్ని అమ్మడం లేదా బదిలీ చేయడం నిషేధం.
- మైనర్ వయస్సు వారికి స్థలం ఇవ్వబడదు.
భూమి పరిమితి వివరాలు:
గ్రామీణ ప్రాంతాల్లో గరిష్టంగా 3 సెంట్లు
పట్టణ ప్రాంతాల్లో గరిష్టంగా 2 సెంట్లు
ప్రాధాన్యతా క్రమం & ప్రత్యేక నిబంధనలు:
గిరిజనులకు ప్రత్యేక ప్రాధాన్యత.
అర్హత కలిగిన మహిళల పేరుమీద స్థలాల కేటాయింపు.
కుటుంబానికి ఒకరికి మాత్రమే లబ్ధి వర్తించుతుంది.
ఆదాయం పరిమితి: గ్రామీణ ప్రాంతాల్లో నెలకు ₹10,000 లోపు, పట్టణ ప్రాంతాల్లో ₹12,000 లోపు.
కేటాయించిన స్థలంలో 2 సంవత్సరాల్లో ఇల్లు నిర్మించాలి.
ప్రక్రియ & పారదర్శకత:
- జిల్లా కలెక్టర్ ఆధ్వర్యంలో లబ్ధిదారుల ఎంపిక.
- గ్రామ సచివాలయం ద్వారా అర్హతలు పరిశీలన.
- ఎంపికైన వారి జాబితా గ్రామంలో ప్రదర్శించాలి.
- అభ్యంతరాలుంటే గ్రామ సభ ద్వారా పరిష్కరించాలి.
- అవసరమైతే ప్రైవేట్ భూములు కొనుగోలు చేసి ఖాళీ భూములను సేకరించవచ్చు.
- లేఅవుట్లు & సర్వేలు అప్రమత్తంగా నిర్వహించాలి.
- లబ్ధిదారులకు కేటాయింపు పత్రం (పట్టా) ఇవ్వబడుతుంది.
ఈ పథకం ద్వారా నిజంగా అవసరమైన వారికి సొంత స్థలం కల్పించి, గృహ నిర్మాణంలో భాగస్వామ్యమవ్వాలనే లక్ష్యంతో ప్రభుత్వం ముందుకు సాగుతోంది. అర్హులైన వారు సంబంధిత గ్రామ సచివాలయాన్ని సంప్రదించి వివరాలు తెలుసుకోగలరు.
