SIP: నెల‌కు రూ.500 పెట్టుబ‌డితో మంచి ఇన్‌క‌మ్‌.. భ‌విష్య‌త్తు భ‌ద్రం!

SIP: ప్రస్తుతం దేశంలో చిన్న, మధ్య తరగతి పెట్టుబడిదారులు ఎక్కువగా ఆకర్షితమవుతున్న మార్గం SIP (Systematic Investment Plan). నెలకు కేవలం ₹500 నుంచి ప్రారంభించవచ్చు, తక్కువ రిస్కుతో ఎక్కువ లాభాలు అందించే ఈ పథకం, స్టాక్స్‌లో కుదుపుతో ఇప్పుడు మ‌ళ్లీ ట్రెండ్ అవుతోంది. ఇటీవలి కాలంలో పలు బ్యాంకింగ్, టెక్నాలజీ, ఎఫ్‌ఎంసీజీ, మిడ్ క్యాప్ స్టాక్స్ పెరుగుతుండటంతో SIPలు మళ్ళీ బలపడుతున్నాయి.

SIP అంటే ఏమిటి?
SIP అనేది సిస్టమాటిక్ ఇన్వెస్ట్‌మెంట్ ప్లాన్, అంటే ఒక రకమైన విధిగా, ప్రతి నెలకు ఒక స్థిర మొత్తాన్ని మ్యూచువల్ ఫండ్స్‌లో పెట్టుబడి చేసే పద్ధతి. దీని ప్రత్యేకత ఏమిటంటే – పెద్ద మొత్తాన్ని ఒకే సారి పెట్టాల్సిన అవసరం లేదు, చిన్న మొత్తాలతో నిదానంగా సంపద సృష్టించవచ్చు.

ఇది దీర్ఘకాలిక పెట్టుబడిదారుల కోసం చాలా మంచిది. రోజురోజుకు పెరుగుతున్న ఖర్చులు, ధరలు మధ్య, చిన్నమొత్తం పెట్టుబడితో భవిష్యత్తు కోసం సంపద సృష్టించుకునే ఉత్తమ మార్గం SIP.

SIP పెట్టుబడి ఎలా ప్రారంభించాలి?
SIP ప్రారంభించడం చాలా సులభం. కేవలం మీ బ్యాంక్ అకౌంట్, PAN కార్డు, ఆధార్ కార్డు ఉంటే చాలు. మీరు ఆన్‌లైన్ ద్వారా SIPలను ప్రారంభించవచ్చు. పెద్ద పెద్ద మ్యూచువల్ ఫండ్ కంపెనీల వెబ్‌సైట్లు, లేదా Zerodha, Groww, Upstox వంటి ప్లాట్‌ఫారమ్‌ల ద్వారా SIP ప్రారంభించవచ్చు.

కనీస పెట్టుబడి: ₹500 నుండి ప్రారంభించవచ్చు.
ఎంత‌కాలం?: కనీసం 3 నుంచి 5 సంవత్సరాలు పెట్టుబడి చేయడం ఉత్తమం.
లాభం ఎంత‌?: సాధారణంగా సగటు SIP రిటర్న్స్ 10-15% వరకు ఉంటాయి.

SIPలో పెట్టుబడి ప్రయోజనాలు
చిన్న మొత్తాలతో ప్రారంభం: పెద్ద మొత్తాలు అవసరం లేదు. నెలకు ₹500 నుండి ప్రారంభించవచ్చు.

రిస్క్‌ను తగ్గించగలదు: మార్కెట్ టెన్ష‌న్స్‌కు దూరంగా ఉంచుతుంది. పెద్ద‌స్థాయిలో ప్ర‌మాదం ఉండ‌దు.

కంపౌండింగ్ బలం: చిన్న మొత్తాలు కూడా ఎక్కువ కాలం పెట్టుబడి చేస్తే, పెద్ద మొత్తంగా మారతాయి.

పన్ను ప్రయోజనాలు: కొన్ని SIPలు (ELSS) ట్యాక్స్ బెనిఫిట్ కూడా ఇస్తాయి.

అత్యంత పారదర్శక విధానం: ఎటువంటి మోసం లేకుండా, రోజువారీ నెట్ అసెట్ వాల్యూ (NAV) ఆధారంగా మీ పెట్టుబడి విలువ లెక్కించబడుతుంది.

SIP ట్రెండ్: ప్రస్తుతం ఎందుకు హాట్?
2024-25 సంవత్సరంలో భారత్‌లో SIPలు విపరీతంగా ఆకర్షణ పొందుతున్నాయి. గత సంవత్సరాల్లో స్టాక్ మార్కెట్ మళ్లీ బలపడటంతో చిన్న పెట్టుబడిదారులు SIPలను అత్యధికంగా ఎంచుకుంటున్నారు.

AMFI (Association of Mutual Funds in India) విడుదల చేసిన లెక్కల ప్రకారం, 2025 మేలో భారతదేశంలో నెలవారీ SIP ఇన్‌ఫ్లో ₹20,500 కోట్లను దాటి ఆల్ టైం గ‌రిష్టాన్ని నమోదు చేసింది.

ఇప్పుడు యువత, ఉద్యోగస్తులు, చిన్న వ్యాపారులు వరకు SIPలను ముఖ్యమైన పెట్టుబడి మార్గంగా చూస్తున్నారని ఇది స్ప‌ష్టం చేస్తోంది.

ఎంత వరకు సంపాదించవచ్చు?
ఉదాహరణకు మీరు నెలకు ₹1,000 SIP చేయడం ప్రారంభిస్తే, సగటు 12% రిటర్న్ లాభాల‌తో:

5 ఏళ్లకు – ₹82,000 నుండి ₹90,000 వరకు పొందవచ్చు.
10 ఏళ్లకు – ₹2.3 లక్షల వరకు పొందవచ్చు.
15 ఏళ్లకు – ₹5.7 లక్షల వరకు సంపాదించవచ్చు.

అంటే చిన్న మొత్తాలు కూడా భవిష్యత్తులో పెద్ద మొత్తంగా మారతాయి.

ముఖ్య సూచన
SIP పెట్టుబడి అంటే రిస్క్ లేకుండా లాభం అనే కాదు. మార్కెట్ పెరుగుదలపై ఆధారపడి returns ఉంటాయి.
కనీసం 5 సంవత్సరాల పాటు పెట్టుబడి చేస్తేనే మంచి ఫలితాలు పొందవచ్చు.
SIP పెట్టుబడిలో కూడా నిఖార్సైన కంపెనీలు, ఫండ్స్‌ను ఎంపిక చేసుకోవాలి.